Секторот за внатрешни работи (СВР) Охрид поднесе кривична пријава против А.Ш. (39) од Охрид, поранешен в.д. директор на ЈЗУ – Општа болница Охрид, поради постоење основи на сомнение за сторено кривично дело „злоупотреба на службената положба и овластување“, информираа од таму.
-Тој, во својство на вршител на должноста директор на ЈЗУ – Општа болница во Охрид, со пропуштање на должен надзор и без постоење на правен основ, на четири административни работници во болницата, кои немале решенија за раководна позиција, им определил коефициент на раководење и одговорност, со што на штета на болницата им овозможил право на повисока плата во вкупна вредност од 257.920 денари, информираа од СВР Охрид.
Ова било констатирано и при вонреден инспекциски надзор, извршен од страна на Државниот инспекторат за труд.
Важно известување
Посети ја новата страница