Актуелниот претседател на Белорусија, Александар Лукашенко (70) останува на истата позиција.
Тој по седми пат е избран за претседател на земјата на вчерашните избори, објавија тамошните државни медиуми, според кои освоил околу 87% од гласовите.
Лукашенко, кој е близок пријател на рускиот претседател Владимир Путин, немаше конкуренција на изборите, опозициските политичари се или во егзил или се затворени.
Другите четворица кандидати кои учестуваа се сметаат за статисти одобрени од државата.
Тој последователно е на власт од 1994 година.
Опозициските политичари кои се во егзил ги нарекоа изборите “фарса“, а за Европската Унија се „измама“.
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.