Македонската таеквондо натпреварувачка Милијана Рељиќ освои бронзен медал на вчерашниот Г-1 Опен турнир во Софија, Бугарија.
Најдобрата наша спортистка, во својата категорија – 62 килограми, беше подобра од Ингрид Искандар Поетри од Сингаупр, совладувајќи ја со 2:0 во рунди.
Во следното коло, Милијана ја победи и Казахстанката Аиша Аделбикизи со 2:0 во рунди. Во полуфиналниот натпревар, нашата таекондо првенка изгуби од русинката Анастасија Банкова.
Ова се нови 3,60 поени за Олимписката и Светската ранг листа и нови поени за квалификации за Лос Анџелес 2028. Нејзиниот тренер Александар Ефтимов е среќен со новоосвените поени кои ја приближуваат Милијана до Олимпијадата во Лос Анџелес.
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.