МВР со детали за тешката сообраќајна несреќа кај Росоман

Утрово на регионалниот пат Кавадарци-Росоман се случи тешка сообраќајна несреќа, во која две лица се потешко повредени.

„Денеска (28.02.2024) во 06.48 часот во ОВР Кавадарци било пријавено дека на регионалниот пат Кавадарци – Росоман, во близина на село Манастирец, се случила сообраќајна несреќа помеѓу патичко возило „фиат пунто“ со неготински регистарски ознаки, управувано од Д.К. (53) од Росоман и патничко возило „пежо“ со кавадаречки регистарски ознаки, управувано од И.Д. (23) од Росоман.

Во несреќата со тешки телесни повреди се здобил возачот Д.К. и С.П. (21) од Росоман, сопатник во возилото „пежо“, додека со телесни повреди се здобил возачот И.Д., констатирани во болницата во Кавадарци“, информираат од МВР.

Увид на местото извршила екипа од ОВР Кавадарци.

ПОВРЗАНИ ВЕСТИ

Три лица се повредени, од кои едно потешко, во сообраќајна несреќа на патот Кавадарци-Росоман

Фото: ТППЕ