Македонскиот премиер Христијан Мицкоски ќе ја предводи македонската делегација, која од денеска и во наредните три дена ќе биде во Минхен, Германија, на Минхенската безбедносна конференција.
Главната тема на Конференцијата е секако војната во Украина, а на истата е можно и преставување на американскиот мировен план.
Мицкоски, како што најавија од Владата, на Конференцијата ќе биде говорник и ќе земе учество на финалниот настан од затворањето на Конференцијата, посветен на ЕУ пристапните преговори на Западен Балкан, како и на панел дискусијата на Форин Полиси, каде ќе говори за геополитиката, енергетската сигурност и улогата во промените на глобално ниво.
Се очекува да има и повеќе билатерални средби со преставници на Европската унија и негови колеги од регионот.
По завршувањето на Kонференцијата, Мицкоски повторно ќе отпатува за Вашингтон, САД, каде втор пат за кус период ќе учествува на настан на Американската Конзервативна Партија, (ЦПАЦ), што е најголем собир на конзервативците.
Таму се очекува и негово обраќање.
ПОВРЗАНИ ВЕСТИ
Фото: Влада
Важно известување
Посети ја новата страница