Согласно предупредувањата на Министерството за внатрешни работи, забележани се измами на наводни „финансиски советници“ кои на социјалните мрежи или преку телефонски јавувања, нудат услуги за тргување со криптовалути, насочувајќи ги клиентите да инсталираат извесен софтвер и да прават трансфер на средства кон сметки кои измамникот ги посочува, ги предупредува НЛБ Банка своите клиенти.
„Ве потсетуваме, не инсталирајте непознат софтвер на уреди кои ги користите за пристап до електронско и мобилно банкарство. Не правете пренос на средства на сметки кои не ви се познати и за кои не знаете кому му припаѓаат.
Никогаш не ги споделувајте податоците од вашата сметка, ниту вашите лични податоци, дури и ако лицето се претставува во име на Банката.
Секој сомнеж пријавете го на телефон 02/15600. Бидете исклучително внимателни и заштитете ги вашите лични податоци и финансиски средства,“ велат од Банката.