Од Управата за хидрометеоролошки работи (УХМР) информираат дека од утре до недела Македонија ќе биде под влијание на стабилна и многу топла воздушна маса од југ, која ќе предизвика сончево и натпросечно топло време за овој период од годината.
Дневните температури насекаде ќе бидат над 30, а наместа ќе достигнуваат 40 степени.
Според прогнозираните и пресметаните гранични вредности на екстремни температури од УХМР, на територијата на земјава утре ќе биде активно жолто, а во Скопската и Полошката котлина портокалово ниво за опасност од високи температури.
Поради натамошен пораст на температурите од четврток насекаде ќе биде активно портокалово ниво.
Фото: Игор Бансколиев
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.