Од Управата за хидрометеоролошки работи информираа дека утре претпладне по одделни котлини ќе има појава на магла, а преку денот ќе биде сончево со мала до умерена облачност. Ќе дува слаб до умерен јужен ветер.
Времето ќе биде стабилно, по одделни котлини со појава на магла и пониска дневна температура.
Под влијание на влажна и студена воздушна маса од петок до понеделник претпладне времето ќе биде претежно облачно со повремени врнежи од дожд, кои наместа ќе бидат поројни и пообилни (над 50 литри на метар квадратен).
На планините врнежите ќе бидат од снег и ќе се формира снежна покривка. На повисоките места и во некои пониски ќе бидат од дожд и снег, особено в сабота.
Во следните три дена минималната температура ќе биде во интервал од -3 до 6 степени, а максималната до 13 степени.