Од Управата за хидрометеоролошки работи информираа дека утре ќе настапи позначителна промена на времето поради влијание на влажна и постудена воздушна маса од север.
Промената на времето ќе почне вечер од запад каде што облачноста постепено ќе се зголемува.
И во Скопје облачноста ќе се зголеми во текот на ноќта.
Од утринските часови најпрвин во северните делови ќе има повремени врнежи од дожд и локална појава на грмежи. Ќе дува силен ветер, наместа над 70 километри на час кој ќе продолжи и во понеделник.
Дневната температура значително ќе се намали – утре за 6 до 8, а во понеделник уште за дополнителни 4 до 6 степени.
Во вторник и среда времето ќе биде сончево со ниски утрински температури, а дневните ќе бидат во пораст.
Од четврток пак се очекуваат нови врнежи од дожд.