Од 1. март (петок) нема повеќе гарантирани цени за храната.
Владината мерка истекува на 29. февруари, а од Владата и Министерството за економија најавија дека истата нема да се продолжи.
Па така од петок лебот, млекото, сирењето, јајцата, тестенините, пилешкото и меленото месо, овошјето и зеленчукот и други производи, ќе се продаваат по пазарна цена.
Спас за граѓаните може да биде донесувањето на Законот за забрана на нефер трговски практики, кој треба да стави ред во нелојалната конкуренција во трговијата и да доведе до намалување на цените на прехранбените производи.
Но, тој од декември се уште е во собраниска процедура.
А и да донесе Законот, трговците ќе имаат рок од шест месеци да склучат нови договори со производителите и дистрибутерите, така што евентуалното намалување на цените ќе може да се почуствува од септември.
Фото: Унсплеш