Парламентарните партии денеска на лидерската средба договорија парламентарните избори да се одржат на 8. мај следната година, заедно со вториот круг од претседателските избори.
Првиот круг од претседателските избори ќе се одржи на 24. април.
Не беше постигнат договор за укинување на тејничката влада согласно Пржинскиот договор, па истата ќе ја има од 28. јануари, односно 100 дена пред изборите, а претходно премиерот Димитар Ковачевски ќе поднесе оставка.
Кај партиите имало широк консензус за забелешките за Изборниот законик согласно препораките на ОБСЕ/ОДИХР и истите ќе влезат во собраниска процедура.
Мнозинство за уставните измени нема, бидејќи ВМРО-ДПМНЕ и коалицијата остануваат на својот став.
Коалицијата Европски сојуз (Беса, Алтернатива и Демократски сојуз) ја напушти лидерската поради немање договор за испразнетото место во Државната изборна комисија.