Партиите со пари на граѓаните ќе се рекламираат во 249 портали, 37 телевизии, 35 радија и 11 весници

Политичките партии со пари на граѓаните од државниот Буџет на престојните претседателски и парламентарни избори ќе се рекламираат во 249 портали, 37 телевизии, 35 радија и 11 весници.

Толку медиуми Државната изборна комисија (ДИК) прифати во усвоениот регистар на радиодифузери, печатени медиуми, електронски медиуми и интернет портали, на кои ќе се врши платено политичко рекламирање за изборите, а партиите нема да можат да се рекламираат во медиуми кои не се дел од истиот.

За платено политичко рекламирање се планирани рекордни 10.6 милиони евра, а од нив според законското решение најмногу пари ќе добијат двете најголеми владејачки и двете најголеми опозициски партии.

еМагазин не се пријави да троши пари на граѓаните за политичко рекламирање на партиите.