Министерството за здравство информира дека пациентите со цистична фиброза почнуваат да го примаат лекот Трикафта.
„Покрај 12. пациенти кои веќе се на терапија со Kaftrio во комбинација со Kalydeco, овие денови со терапија се вклучуваат и нови пациенти. Во петокот, на 29. декември две нови пациентки примија Трикафта, денеска се вклучуваат уште двајца, а во петок се очекува лекот да го примат уште двајца пациенти.
Оваа група на пациенти етапно се вклучува на терапија, согласно Протоколот и прецизни критериуми на евалуација се одлучува за добивањето терапија. Листата на пациенти е направена од стручна Комисија, по направени медицински прегледи на сите пациенти со цистична фиброза, според бодирање,“ се вели во соопштението.
Лекот Трикафта е безбеден лек, одобрен од Европската медицинска агенција. Ефектот од терапијата е брз, значителен и одржлив.
Фото: Unsplash