Петар Богојевски е новиот директор на Националната агенција за европски образовни програми и мобилност.
Тој доаѓа на местото на Марко Ѓоргиевски.
Богојевски е лидер на Македонски концепт, коалициски партнер во власта.
Тој на својот Фејсбук профил ја потврди информацијата.
-Во согласност со новите професионални ангажмани, моите позиции како професор на Воената академија во Скопје и на Универзитетот за мир на Обединетите Нации ќе бидат привремено ставени во мирување, иако ќе продолжам активно да учествувам во наставниот процес и да работам со студентите, напиша тој меѓудругото на Фејсбук..
Најголем дел од парите со кои располага Агенцијата се од програмата на Европската унија „Еразмус+“, која е наменета за поддршка во образованието, обуката, младите и спортот.
Институцијата доделува и средства за проекти што овозможуваат соработка и размена на студенти и кадар меѓу партнерски универзитети во Европа.
Фото: Фејсбук/Богојевски