Пет лица од светиниколското село Стројменци, кои се заробени во пожарот, се извлекуваат со помош на хеликоптер, информираше градоначалникот на Свети Николе, Дејан Владев.
Тој додава дека огнот во моментов е над селото Орел, накај селото Ранчанци. Пожарот нема опасност по куќите, а се очекува да биде ставен под контрола со помош на ер тракторите.
Во спасувањето на селата вклучени се пожарникари, доброволци, месно население, вработени во државните институции.
Пожарите во Светиниколско се гаснат од земја и воздух, а општината со помош на населението обезбедува храна и вода за луѓето кои се борат со пожарите во оваа општина.
Штетите од пожарите дополнително ќе се утврдуваат, а според првичните проценки, изгорени се околу 40 куќи во селата Немањици, Малино и Орел. Има изгорено и стока, добиточна храна, а некои од селата останаа и без вода за пиење, како што е селото Немањица.
ПОВРЗАНИ ВЕСТИ
Мали оштетувања на две куќи од пожарот во Дојран, постои опасност од неексплодирани гранати
Фото: МВР