Лицата кои го загубија животот во пожарот во кочанската т.н. дискотека „Пулс“ ќе бидат погребани во четврток.
„На погребот ќе присуствува поглаварот на Македонската православна црква, г.г. Стефан, ќе има и повеќе владици од Синодот. Црквата прави се за овие чеда да бидат испратени на најдостоинствен начин,“ информираше денеска директорот на Центарот за управување со кризи (ЦУК), Стојанче Ангелов.
Точното време ќе биде соопштено дополнително.
На прес-конференцијата присуствуваше и Митрополитот Брегалнички Иларион, кој замоли луѓето да бидат смирени, трпеливи и достоинствено и на христијански и евангелски начин загинатите да се испратат во вечноста и молејќи се за настраданите за Господ Бог да ги исцели.
„Сите архиереи на МПЦ и целиот клир сочувствуваат и секојдневно коленоприклоно се молат пред милостивиот и воскреснатиот Бог.
И вчера во Кочани и денеска во целата Епархија има молебен најнапред за болните Господ Бог да ги исцели, има и помен за починатите, така што деноноќно се молиме и за починатите и за болните. Се друго останува во рацете на милоста Божја на неговата човекољубивост, штедрост, трпеливост и милостив,“ изјави митрополит Иларион.
ПОВРЗАНИ ВЕСТИ
Собир за заедништво и сочувство и на плоштадот Македонија во Скопје
(Вознемирувачко видео) Се прошируваат гробиштата во Кочани, Ројтерс објави снимка од подготовките