Дизелот од ноќеска на полноќ поевтинува за 1,5 денари за литар, а цената на бензините останува иста, одлучи денеска Регулаторната комисија за енергетика, водни услуги и услуги за управување со комунален отпад (РКЕ).
Новата малопродажна цена на дизелот е 68,5, а на Екстра лесното масло за домаќинство (ЕЛ-1) ,68 денари за литар.
Со одлуката на РКЕ за 0,916 денари за килограм се намалува и малопродажната цена на мазутот М-1 НС и ќе изнесува 41,345 денари.
Бензинот Еуросупер БС-95 и понатаму ќе се продава за 74,5 денари за литар, а Еуросупер БС-98 за 76,5 денари за литар.
Со одлуката се врши намалување на малопродажните цени на нафтените деривати во просек за 1,29 отсто во споредба со претходната пресметка.
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.