Апелираме до наставниците и другите вработени во училиштата за комуникација да ги користат исклучиво службените електронски адреси кои се креирани од Министерството за образование и наука (МОН), и со двојна автентикација.
Препорачуваме секаде во учичиштата согласно можностите, да биде ангажирано физичко обезбедување и да се постави видео надзор. Самите училишта да бидат претпазливи кој и како влегува во објектите, изјави министерката за образование Весна Jаневска на денешната прес-конференција, по денешните дојави за бомби во училишта низ целата земја.
„По дојавите за поставување на експлозивни направи во основните и средни уличишта низ државата, утрово во координација со повеќе институции формиравме меѓуресорска група за поефикасно справување со ситуацијата и секако преземање на мерки за одржување на безбедноста во училишните објекти на соодветно ниво,“ изјави Јаневска.
Таа потсети дека во случај на дојава за бомби, училиштата треба веднаш да пријават во Министерството за внатрешни работи и да ги следат упатствата и протоколите кои ќе ги добијат од стручните лица од Министерството.
ПОВРЗАНИ ВЕСТИ
Лажни се дојавите за бомби во училиштата, велат од МВР
Дојави за бомби во училишта во Скопје, Кочани, Штип…