По објавувањето на аудио снимка од телефонски повик на бројот за итни случаи 112, веднаш по сударот на двата возови кај Темпи во Грција, на 28. февруари 2023 година, во која се слуша дека неколку патници од патничкиот воз го преживеале сударот, но по биле живи изгорени три минути подоцна поради експлозијата во товарниот воз, денеска низ Грција се организираат масовни протести.
Во снимката која ја шокираше Грција, се слуша како девојка вели: „Не можам да дишам“, „Имам многу малку воздух“, а на крај од повикот и вели на пријателката: „Ќе умреме… Марти, те сакам.“
Според извештајот на експертот Василис Кокоцакис, ангажиран од семејствата на загинатите, снимката покажува дека околу 30 лица го преживеале сударот, но загинале поради недостаток на воздух и експлозијата во товарниот воз, кој носел запаливи хемиски течности, за кои медиумите во Грција објавија дека се пренесувале нелегално.
Протестот го организира Здружението на роднините на жртвите „Темпи 2023“, кое бара детална истрага за експлозијата во товарниот воз и одговорност за пожарот кој следел по сударот.
Подршка на протестите дадоа опозициските партии СИРИЗА, ПАСОК, Комунистичката партија и Нова левица, бројни синдикати, здруженија, навивачки групи, анархистички движења….
Протести се најавени и низ Европа и светот, каде живее и работи грчка дијаспора.
Во желзничката несреќа животот го загубија 57 лица, најголем дел млади.
ПОВРЗАНИ ВЕСТИ
(Видео) „Не забораваме„: Цела Грција штрајкува на годишнината од трагичната несреќа кај Темпи