Од македонското Собрание денеска со ново појаснување, откако пред неколку денови информираа дека и оваа недела нема да работат пратенците, што предизвика бура од негативни реакции во јавноста.
Тие не работеа и за време на седумдневната жалост поради трагедијата во Кочани.
ПОВРЗАНИ ВЕСТИ
Собранието нема да работи и неделава, бура од негативни реакции на социјалните мрежи
-Во врска со реакциите за неодамнешната одлука за одложување на активностите на Собранието минатата и оваа недела, сакаме да појасниме дека Собранието на Северна Македонија и пратениците работеа и продолжуваат да работат.
Откажани се пленарните седници, комисиите и неколку други настани за кои е потребно присуство на медиумите. Оваа одлука е донесена консензуално со сите координатори на пратеничките групи, на координативната средба, во знак на солидарност по трагедијата во Кочани и за изразување почит кон жртвите.
Сепак, работата на Собранието и пратениците продолжува во други вообичаени форми, вклучително и координација меѓу пратениците и пратеничките групи, ангажирање во подготовката и разгледувањето на предлог законите, како и состаноци на различни нивоа.
Пратениците се активни и посветени на законодавните процеси. Секоја изјава со која се претпоставува дека паузираат е неосновано обвинување кое претставува тенденција за манипулирање со мислењето и нарушување на угледот на Собранието и народните избраници, велат од таму.
ПОВРЗАНИ ВЕСТИ
Собранието не работело од почит кон трагедијата во Кочани, велат од таму по реакциите во јавноста