Синоќа во Кавадарци е приведен 35-годишен маж од градот, кој се однесувал насилно и му се заканувал на градоначалникот на Општината, Митко Јанчев, во угостителски објект.
„Синоќа во 23:35 часот во Кавадарци, полициски службеници од Полициската станица Кавадарци го лишиле од слобода П.Н. (35) од Кавадарци, затоа што агресивно се однесувал кон М.Ј. (43) од Кавадарци и му упатил закани“, велат од Министерството за внатрешни работи за државната агенција МИА.
Тој бил задржан во станица, а по целосно документирање на случајот против него ќе биде поднесена соодветна пријава.
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.