Пристигна помош од Турција во гаснењето на пожарите кои ја зафатија Македонија.
„Еден хеликоптер и два турски ер-трактори ќе го гаснат пожарот во струмичко Ново Село, во близина со границата со Бугарија. Тие ќе го гаснат пожарот заедно со ер тракторите на Дирекцијата за заштита и спасување (ДЗС).
Полициски хеликоптер од утрово започна со гасење на пожарот на планината Серта, набргу ќе му се приклучи еден армиски хеликоптер и турскиот хеликоптер,“ информираше директорот на ЦУК, Стојанче Ангелов.
Во гаснењето се вклучени поголем број пожарникари, на нив им помагаат и припадници од ловечкото друштво, јавните комунални претпријатија и околното население. Се расчистува пат за да може полесно да се продре до опожарените места, имајќи предвид дека се работи за доста непристапен терен.
„Се работи за исклучително тежок терен, испреплетен со карпи и долови каде има бујна вегетација, трња, грмушки, нискостеблесто растение и шума и е многу тешко да се движат луѓе,“ појасни Ангелов.
Тој додаде дека има помош од 103 припадници на АРМ и 30 припадници на единицата за брзо распоредување на МВР.
Се разговара и за дополнителна меѓународна помош.
ПОВРЗАНИ ВЕСТИ
Ветерот и високите температури го отежнуваат гаснењето на пожарот на Серта
Фото: ДЗС