Македонскиот ракометен клуб (РК) Алкалоид испиша историја и се пласира во финалето на Европскиот куп на ЕХФ во кое ќе игра со РК АЕК од Атина, Грција.
Избраниците на Кирил Лазаров го преживеаја тешкото гостување во Норвешка и со победа преку пенали против РК Рунар, се изборија за финале.
Натпреварот заврши со конечни 35:32, откако по регуларниот дел беше 34:29.
Херој на мечот беше голманот Иван Галевски, кој одбрани во последните моменти од регуларните 60 минути, со што спречи домаќините да отидат на плус шест гола, што ќе значеше финале за нив.
Тој беше клучен и во пенал-серијата кога излезе поуспешен при три удари на норвешките ракометари.
Најдобар стрелец на мечот беше Дамјан Митев со девет гола, пред Мартин Серафимов со осум.
Ракометарите добија и силна поддршка од стотици Македонци кои беа на трибините во Норвешка.
Фото: Фејсбук/РК Алкалоид