Македонската претседателка Гордана Сиљановска Давкова денеска изјави дека имало исчекор во македонските евроинтеграции и дека очекува деблокада на процесот.
Подвлече и дека Македонија покажала невидена и нечуена кооперативност во процесот, но и дека тој не зависи само од нас.
Оптимозмот претседателката го базира на „креативни предлози“ на Групата за пријатели на Западен Балкан.
„Ново е што Групата за пријатели на Западен Балкан е активна и има “креативни предлози“, во смисла дека би можел да ни се отвори патот за кластерите 2, 3 и 4“, рече таа, посочувајќи дека е потребно време, но и добра волја, како и манифестирање добрососедство.
Неодамна во Аушвиц таа се сретнала со претседателот на Бугарија, Румен Радев.
„Меѓу нас има пријателски дијалог, разбирање. Очекувам во директните средби да се разговара за можните решенија“, кажа таа.
Фото: Кабинет на претседателката