Македонското Собрание доби “заштитена соба“, за поголем надзор над безбедносните служби.
Истата е од највисок, т.н. прв степен на заштита за документи со највисока класификација и ги исполнува сите стандарди на аудио и анти-радијациска заштита.
-Опремена е со соодветна заштитена опрема за да се гарантира заштитата на класифицираните информации. Опремата ги задоволува највисоките стандарди на радијациска заштита, информираа од Собранието.
Дизајнот на т.н. глува или тивка соба ги исполнуваа строгите безбедносни барања поставени и од НАТО и од Европската Унија.
-Во изградбата се користени напредни технолошки заштитни мерки. Физичкиот простор е изграден со материјали кои спречуваат неовластено следење и прислушување, обезбедувајќи комуникациите да останат доверливи и заштитени од надворешни закани, велат од таму.
Фото. Собрание