Премиерот Христијан Мицкоски заедно со миистерот за надворешни работи, Тимчо Муцунски, министерот за одбрана, Владо Мисајловски и министерот за внатрешни работи Панче Тошковски е во Вашингтон, САД, за Самитот на НАТО, кој почнува утре, а ќе трае до 11. јули.
Таму како што информираа од Владата ќе има средби со високи претставници на IRI, конгресменот Брендон Бојл и сенаторката Џин Шахин – копретседавачи на Македонската група за пријателство во Конгресот на САД.
Ќе учествува и на свечениот настан по повод 75-годишнината на НАТО, што ќе се одржи во Andrew W. Mellon Auditorium.
Мицкоски ќе одржи и говор на реномираниот Johns Hopkins University- School of Advanced International Studies, по што ќе има средби со претставници од бизнис заедницата во САД.
Македонската делегација исто така ќе учествува и на отворањето на НАТО форумот и ќе присуствува на состаноците на Северно – атлантскиот совет, каде што Мицкоски ќе има можност и за средби со други лидери.
Мицкоски ќе присуствува и на вечерата во Белата куќа организирана за лидерите, а Муцунски и Мисајловски ќе присуствуваат на специјални вечери организирани од државниот секретар Етони Блинкен и секретарот за одбрана Лојд Остин.
ПОВРЗАНИ ВЕСТИ
Кој сѐ отиде со Мицкоски на Самитот на НАТО во Вашингтон
Фото: Игор Бансколиев