Судија во Основниот суд во Тетово си поправал оценки од факултет за да се запише на Академијата за судии и јавни обвинители, соопшти Државната комисија за спречување корупција (ДКСК).
Од ДКСК велат дека во дипломата за завршени студии по право на Тетовскиот универзитет судијата имал просек 7,88, а во пријавата за упис на Академијата имал просек 8,20, минимум просек кој е потребен за упис.
Ова го открил Државниот просветен инспекторат, кој по налог на ДКСК, ја проверил документацијата на сите досегашни кандидати кои биле примени и дипломирале на Академијата.
Инспекторатот открил дека судијата си поправил три оценки со пречкртување, информираа од ДКСК.
Телма објави дека станува збор за судијата Ељведин Ферати, кој за телевизијата негира дека си ги поправал оценките.
Фото: Унсплеш