Од Универзитетската клиника за гинекологија и акушерство (ГАК) информираа дека акушерка ненамерно пресекла мал дел од палец на новороденче. Таа е суспендирана.
„На Одделот за новородени деца се случил немил настан, кога акушерка во текот на испис на новородено бебе ненамерно му пресекла мал дел од палецот“, велат од ГАК.
Оттаму информираат дека по настанот, дежурниот педијатар постапил професионално и одговорно и веднаш бил повикан детски хирург.
„Новороденото е префрлено на Клиниката за детска хирургија, каде што му била санирана повредата“, велат од ГАК.
Акушерката е суспендирана, дадена на дисциплинска комисија и ѝ била изречена максимална казна според Законот за здравствена заштита, како и промена на работното место.
Фото: МЗ
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.