Нашиот интернационален модел Tатјана Тати Јанушева во последниве месеци престојуваше во најголемите модни центри Париз-Лондон-Милано-Мадрид, каде работеше на многу капањи и едиторијали.
„Како последно од Јанушева ја имаме кампањата за светскиот бренд Tod’s и ексклузивните нови линии за обувки и чанти која беше изработена во Милано. Татјана Тати има изградено веќе богато портфолио каде има работено за врвни брендови како Sportmax, Prada, Miss Sixty, Champion, Fila,Tally Weijl и други.
Под ексклузивен договор е со светската реномирана агенција Next Management која пак одлично ја застапува на интернационално ниво. Нејзината светска убавина и секако одговорноста како искучителен модел ја сместија во самиот зенит на светската сцена на модата. Маестрална и неповторлива Тати е нашата гордост,“ велат од нејзината матична агенција Моделс ИН Менаџмент од Скопје.
