Советот за казниви дела при Врховниот суд ја одби жалбата на осомничениот за киднапирање на 14-годишната Вања Ѓорчевска, нејзинот татко, Александар Ѓорчевски.
„Советот за казниви дела донесе решение со кое жалбата на обвинетиот А.Ѓ., изјавена преку бранителот Владимир Туфегџиќ, адвокат од Скопје, ја одби како неоснована и го потврди решението на Апелациониот суд скопје од 1.март годинава“, наведуваат од Врховниот суд.
Адвокатот на Ѓорчевски побара укинување на притворот, бидејќи тој речиси четири месеци е во притвор а „не е дадена барем една индиција дека Обвинителството има основано сомнение дека Ѓорчевски сторил кривично дело.“
На денешната расправа по барањето, обвинителката Наталија Тасевска изјави дека истрагата е во тек со вештачење на телефонските разговори и затоа се уште постоои основано сомнение дека Ѓорчевски сторил кривично делчо – грабнување.
ПОВРЗАНИ ВЕСТИ
Возачот на Палчо до Турција ослободен од притвор