Трамп стана првиот поранешен претседател на САД кој е прогласен за виновен во кривична постапка

Поранешниот претседател на САД, Доналд Трамп, кој е кандидат за претседател и за престојните претседателски избори во ноември, стана првиот поранешен претседател на САД осуден за кривично дело.

Тој е осуден за фалсификување документи за да се прикрие исплатата на пари на порно ѕвездата Сторми Даниелс пред изборите во 2016 година.

Трамп е прогласен за виновен за сите 34 обвиненија против него, а пресудата за казната ќе биде објавена на 11. јули.

Тој за судењето рече дека е „наместено“ и „срамота“ и дека е „многу невин“, а „вистинската пресуда“ ќе биде донесена на претседателски избори.

„Вистинската пресуда ќе биде на 5. ноември, а ќе ја донесе американскиот народ“, рече тој.

Осуда стигна и од Републиканската партија, чиј кандидат за претседател е.

Фото: Трамп/Фејсбук