Од Министерството за внатрешни работи (МВР) информираа дека вкупно 17 лица на подрачјето на Скопје, Прилеп, Охрид и Куманово во текот на ноќта биле приведени од полицијата под сомнение за непочитување на одлуката на Владата за седумдневна жалост – кривично дело по член 387 од Кривичниот законик.
Како што информира МВР, 12 лица, од кои едно малолетно, се приведени на подрачјето на Прилеп.
Во Скопје е приведено едно малолетно лице и управител на угостителски објект, во Кичево – еден сопственик на угостителски објект и во Куманово се приведени две лица – менаџер и управител на угостителски објект осомничени дека ја прекршиле донесената одлука.
-По целосно документирање на случаите, против лицата ќе бидат поднесени соодветни пријави, информира МВР.
ПОВРЗАНИ ВЕСТИ
Приведени двајца менаџери на угостителски објекти во Скопје, пуштале музика во денови на жалост
Славеле роденден: Двајца приведени за огнометот во Градски Парк
(Видео) Огномет за време на денови на жалоста во Скопје, граѓаните згрозени