Уште седум други пратеници ќе добијат апанажа, утврди собраниската Комисија за прашања на изборите и именувањата.
Станува збор за поранешните пратеници Арбен Зибери, Вјолца Адеми и Бедри Фазли од ДУИ, Снежана Калеска – Ванчева и Љатифе Шиковска од СДСМ, Енес Ибрахим од Партија за движење на Турците и Бастри Бајрами од „Беса“.
Заедно со претходните 29, вкупната бројка на пратеници кои ќе добијат апанажа, засега е 36.
Законскиот рок за поднесување на барање за апанажа истекува на 28. јуни, односно 30 дена по верификација на мандатите на новите пратеници.
Беше прифатено и барањето за остварување на отпремнина при заминување во пензија на поранешните пратеници Коле Чаракчиев, Стојан Миланов и Панчо Минов.
ПОВРЗАНИ ВЕСТИ
Засега 29 поранешни пратеници ќе добиваат апанажа
Кои пратеници ќе земаат апанажа