Македонската пејачка Андријана Јаневска во Корча, Албанија, ја промовираше книгата „Македонското традиционално народно пеење во: Мала Преспа, Голо Брдо и Гора“.
Песните Јаневска девет години ги собираше од овие региони во кои живеат Македонци. Со оваа таа успеа да заштити 150 песни.
„Народното творештво претставува еден од најзначајните сегменти во севкупниот материјално-духовен идентитет на македонскиот народ.
Истражувањата покажаа дека чувството за: јазикот, припадноста и идентитетот никогаш не ги напуштило Македонците од овие региони.
Во текот на моите теренски истражувања, но и во многу книги сретнав записи и кажувања како македонскиот фолклор сакаат да го прикажат како туѓ.
Македонскиот народ, кој живее во овие три региони, токму преку традиционалните македонски песни, во разни варијанти, е поврзан како еден единствен народ, кој, за жал, во минатото бил разделен“, напиша таа на нејзиниот Фејсбук профил.
ПОВРЗАНИ ВЕСТИ
Андријана Јаневска одбила да ја преставува Македонија на Евровизија
Фото: Јаневска/Фејсбук