(Фото) Македонец во Неа Флогита нашол изгубено 3-годишно девојче од Србија

Сашко Радуловиќ од скопско Миладиновци синоќа во Неа Флогита во Грција пронашол изгубено тригодишно девојче, Марија, од Србија.

Тој ја споделил информацијата во позната Фејсбук група „Грција инфо“, споделувајќи и нејзината фотографија и повикал полиција, која девојчето го однело во полициската станица во Неа Мудања.

Малото девојче било пронајдено околу 23 часот, но не знаела од каде е, ниту како се вика нејзиниот татко. На Радуловиќ му рекла дека има брат Андреј и мајка Ана. Тој и купил пијалок и разговарал со нејзе додека не дошла полиција, а се погрижил и девојчето да не биде премногу исплашено и истрауматизирано од ситуацијата во која се нашла.

Подоцна во полициската станица дошле и нејзините родители, кои ги пронашле Стефан и Валентина Спасиќ, кои биле сместени во еден од становите кои тие ги изнајмувале.

Фото: Фејсбук/Радуловиќ