Синоќа во Куманово е опожарена канцеларија на советникот во Советот на Општина Куманово, Фитор Јакупи, кадар на опозициската ДУИ.
Информацијата на Фејсбук ја сподели самиот Јакупи.
„Ве известувам дека денеска во раните утрински часови околу 3.05 часот од црна рака на непознати лица мојата приватна канцеларија во Куманово беше опожарена“, напиша Јакупи.
Тој повика на брза реакција од надлежните органи.
Од Јавното обвинителство денеска информираа дека се собираат доказни материјали за инцидентот.
Од Секторот за внатрешни работи (СВР) Куманово пак информираа дека синоќа во Куманово се опожарени три автомобили, еден деловен објект – фотокопирница и фасада од куќа.
Речиси сите инциденти биле во исто време, околу 3 часот наутро.
ПОВРЗАНИ ВЕСТИ
Опожарено возилото на јавниот обвинител Џелал Бајрами од Куманово