Снегот кој од вчера попладне почна да врне, предизвика проблеми на повеќе патни правци, посебно на планинските превои.
На Стража имаше застанати возила, кои го попречуваа одвивањето на сообраќајот, а имаше и удрени возила. Истите го отежнуваа и чистењето на снегот со механизација.
Западна Македонија наликува како среде јануари, зимска идила во поголемиот дел од населените места, а снегот иако најавуван беше изненадување.
И за денеска се најавува променливо облачно и студено време, со провејување на слаб снег претпладне.
Ќе дува засилен северен ветер, а температурите ќе се движат минималните од -4 до 1, а максималните од 3 до 10 степени.
Фото: еМагазин.мк/Unsplash
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.