Вработените во Фондот за здравствено осигурување (ФЗО) од денеска стапуваат во штрајк, а ќе се работат само најитните предмети.
Матичните лекари предупредуваат дека ќе се појават проблеми како за пациентите, така и за лекарите.
Доколку штрајкот продолжи ќе има проблеми со комисиски решенија за боледувања, матичните лекари ќе останат без исплата на капитациони бодови, ќе има проблем за рецептите за лекови, како и за платите во јавното здравство.
„Сакаме да ја известиме јавноста дека сите подрачни единици на ФЗО ќе штрајкуваат и ќе ги извршуваат само нужните и неопходни работни задачи и тоа: пријава на малолетно лице како член во осигурување, регулирање на осигурување за хоспитализирано лице, лекување во странство за итни случаи, а само еден вработен во подрачните единици ќе биде задолжен за прием на документи,“ информираа од Синдикатот на ФЗО.
ПОВРЗАНИ ВЕСТИ
Фондот за здравство од понеделник ќе штрајкува, ќе се работат само најнужните предмети