Грчките медиуми пренесуваат дека 13-годишно девојче загинало од удар на гром на Халкидики, на плажата Посиди.
Трагичниот настан се случил додека девојчето и нејзината мајка се шетале на плажата Мити, (‘рт Посиди).
На местото на трагедијата итно стигнала амбуланта, која го однела девојчето во здравствен центар, но лекарите не успеале да ја оживеат.
Девојчето со родителите дошла од Неа Мудања, каде што и живеат, пренесуваат локалните медиуми.
Градоначалничката на Касандра, Анастасија Халкиа изјавила дека девојчето било мокро, а можеби носела и нешто метално, што го привлекло громот.
„Се обидоа да ја реанимираат, но било предоцна,“ изјави Халкиа.
На местото на несреќата имало и студенти по медицина кои веднаш започнале со реанимација, како и волонтер со дефибрилатор.
Нејзината мајка останала неповредена, само паднала на песок кога се случил инцидентот.