Шеснаесет повредени во пожарот во Кочани ќе бидат пуштени на домашно лекување, најави денеска министерот за здравство Арбен Таравари.
Неделава се очекува враќање на осум пациенти од странство кои ќе бидат примени на клиниките во Скопје, со минимален престој за проверки.
Четворица повредени кои се во странските болници, се во критична состојба.
Министерот најави и дека тим од пластични хирурзи ќе биде испратен во Кочани со цел да се олесни процесот на рехабилитација на пациентите повредени во пожарот.
-Голем дел од повредените се токму од Кочани, поради што се разгледува опцијата за испраќање на специјализираниот тим хирурзи во регионот, што би овозможило пациентите да не мораат постојано да патуваат на третмани во други градови.
Во Штипската болница веќе има четворица пластични хирурзи, а во зависност од индивидуалната состојба, на некои пациенти ќе им биде потребна рехабилитација од две недели, додека кај други таа може да трае со месеци, посочи тој.
На скопските клиники има вкупно 46 повредени, во градските болници 8 Септември и Св. Наум Охридски има по 10 повредени, а во приватните 8 повредени.
Фото: МЗ