17-годишна девојка почина откако беше прегазена на булеварот Борис Трајковски во Скопје

17-годишна девојка почина откако пред неколку дена беше прегазена на булеварот “Борис Трајковски“ кај Пинтија во Скопје.

Несреќата се случи на 30. август во 22:30 часот. Возач со автомобил алфа ромео ја удрил и избегал од местото на настанот. По несреќата девојката беше префрлена на скопските клиники.

-На 30.08.2023 околу 22.30 часот во СВР Скопје било пријавено на бул.„Борис Трајковски“ во Скопје, патничко возило „алфа ромео“ со скопски регистарски ознаки удрило во малолетничка од Скопје, по што возачот го напуштил местото.

Малолетничката била пренесена во Комплексот клиники „Мајка Тереза“ каде и биле констатирани тешки телесни повреди. Увид на местото извршила екипа од СВР Скопје и се преземаат мерки за расчистување на случајот. Приведени се осомничени лица во врска со настанот, информираа од МВР.

Медиумите објавија дека се осомничени двајца браќа.