Од Министерството за здравство (МЗ) информираа дека 22-годишната трудница која почина од Ковид-19 имала дијабет и проблеми со тироидната жлезда.
На 26. ноември таа од Клиниката за гинекологија била префрлена во ГОБ „8-ми Септември“ во многу тешка состојба. На Гинекологија била три дена поради комплицирана бременост, а породен бил и мртов плод со царски рез.
Нејзината здравствена состојба била многу лоша и таа за цело време била на респиратор.
„Третманот со респиратор продолжил и во ГОБ „8-ми Септември“ каде што била донесена во критична состојба. За време на лекувањето во двете институции преземени се сите мерки на интензивно лекување. И покрај тоа, пациентката починала на 9. декември“, информираа од МЗ.
ПОВРЗАНИ ВЕСТИ
Од Ковид-19 починаа 28 лица, меѓу кои и девојка на 22 години
Фото: МЗ