Петте фирми кои имаат поставени фотоволтаици, за кои имаше застој во одобрувањето на броилата, ќе бидат снабдувани од ЕСМ Продажба од денеска, 1 декември, информираат од компанијата.
„На состанокот одржан меѓу РКЕ, АД ЕСМ, ЕВН Електродистрибуција и МЕМО, во согласност со Правилата за снабдување, одлучено е покрај договор за снабдување, петте фирми со ЕСМ Продажба да потпишат и договор за откуп на киловатите електрична енергија кои сами ги произведуваат, а кои нема да ги искористат и ќе ги вратат во мрежа.
ЕСМ Продажба, кој ќе ги снабдува по субвенционирана цена од 80е/MWh, ќе ги откупува нивните преостанати количини по цена од 80 евра минус 10%.
Договорите со петте фирми ќе бидат потпишани во текот на денот, и ќе важат од денеска.
Воведениот принцип ќе се применува и за сите други вакви случаи, доколку се појават при пријавувања за снабдување во следните месеци,“ се вели во соопштението.
Фото: Унсплеш