Момче на 27-годишна возраст загинало вчера откако на регионалниот пат Драчево-Катланово, во атарот на скопското село Морани, со автомобил „фолксваген бора“ удрило во рефлектирачко столбче на патот, оградата и во бандера која паднала врз возилото.
Станува збор за С.Ј. од скопското село Студеничани, а како што информираа од полицијата, од здобиените повреди починал на лице место на несреќата.
Лекар од Итната медицинска помош констатирал смрт, а неговото тело е предадено на обдукција.
Во несреќата со тешки телесни повреди се здобил и неговиот сопатник Џ.Т. (22) од Студеничани, кој бил префрлен во Градската општа болница „Св.Наум Охридски“ во Скопје.
Фото: Унсплеш
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.