Во Македонија досега се регистрирани 34 заболени од голема кашлица (пертусис), а во Скопје веќе е прогласена епидемија, информираше денеска министерот за здравство, Илир Демири.
Тој апелираше на вакцинација на децата за пертусис.
„Од Центарот за јавно здравје Скопје е прогласена епидемија. Моментално на државно ниво има регистрирано 34 заболени од пертусис.
Јас ќе ја искористам оваа можност да се обратам уште еднаш на сите граѓани, особено на родители кои имаат мали деца – најголемо достигнување на здравствениот систем е вакцинацијата, затоа ги замолувам сите да пристапат кон вакцинација на своите деца.
Сите деца прво треба да се вакцинирани, па да одат во градинка. Тоа беше и еден од критериумите и препорака од Комисијата за заразни болести“, рече Демири.
ПОВРЗАНИ ВЕСТИ
Најголем број заболени со голема кашлица се деца на возраст под 1 година
Кои се компликациите од голема кашлица, како се пренесува и лекува?
Што е голема кашлица, кои се симптомите и како се пренесува
Фото: МЗ