Според последните податоци во Македонија има регистрирано 201 лице, заболено од коронавирусот.
“Од пријавените случаи, 44 или 21,9% се/биле хоспитализирани во текот на болеста, а 157 случаи се на домашно лекување и во домашна изолација, асимптоматски или со полесна клиничка слика.
Во однос на симптомите кои се пријавени кај заболените лица, најчесто се регистрирани кашлица (68,3%), температура (64,0%), слабост (29,5%), главоболка (25,9%), болка во грло (21,6%) и треска (19,4%), а 62 лица се без изразени симптоми.
Во однос на коморбидитети, кај 43 лица се присутни хронична/и здравствени состојби, од кои 30 лица имаат кардиоваскуларна болест, 7 лица се со хронична белодробна болест, 5 со дијабет, 4 со хронична бубрежна болест и 7 со други хронични болести“, стои во анализата на податоците од страна на Институтот за јавно здравје.
ПОВРЗАНИ ВЕСТИ
(ВИДЕО) Хистерија од коронавирусот во Босна: Жена и маж се степаа за вреќа брашно
Прв случај на коронавирусот во Тетово, како изгледа мапата по градови
32 случаи на заболени со коронавирусот во Македонија се импортирани од надвор
Бројот на здравствени работници заболени со коронавирусот порасна на 20
