47 пациенти ќе бидат испратени на лекување во странство, на помош ќе дојдат лекари од Израел, Србија и Чешка

Министерот за здравство Арбер Таравари информираше дека 47 повредени од пожарот во дискотеката во Кочани ќе се лекуваат во странство. Станува збор за најкритичните.

„Во Солун веќе се пристигнати тројца, во Бугарија се заминати и сместени 14 пациенти од кои во Софија ќе се лекуваат осумина, а во Пловдив и Варна по тројца.

Во Србија веќе се отидени двајца повредени, по еден во Белград и во Ниш, а во Турција се тројца.

Во Истанбул вечерва ќе патуваат уште шестмина, исто толку ќе се лекуваат и во Хрватска, а дополнително уште 15 повредени ќе заминат за Србија,“ рече Таравари.

Тој додаде дека утре на помош ќе стигнат колеги специјалисти по интензивна нега на изгореници од Израел, Србија и Чешка кои ќе им помогнат на нашите лекари.

ПОВРЗАНИ ВЕСТИ

Т.н. дискотека работела со фалсификувана лиценца, осомничени 20 лица помеѓу кои и поранешни функционери

Тројца малолетни лица починати, а повредени повеќе од 20 малолетници во пожарот во Кочани

Бројката на загинати во пожарот во дискотеката се искачи на 59, на повредени 155

Фото: МЗ