Утрово во угостителски објект во Боговиње е убиен 47-годишен маж, А.Ј..
Убиецот, М.М. (50) е уапсен, информираа од Министерството за внатрешни работи (МВР).
Убиството се случило околу 10 часот и 15 минути, а 15 минути подоцна убиецот бил фатен во своето возило „бмв“ во Тетово.
-При прегледот на возилото била пронајдена и одземена автоматската пушка со којашто го извршил убиството, велат од МВР.
Јавното обвинителство информираше дека има и сведоци – во угостителскиот објект имало и други лица кога се случило убиството
-Осомничениот и жртвата имале вербална расправија, по што сторителот извадил огнено оружје и започнал да пука, велат од Обвинителството.
Издадена е наредба за обдукција на починатиот и наредба за прибирање и вештачење на траги од лице место.
-Ќе се вршат разговори со сведоци на настанот и со други лица, велат од таму.