Министерството за здравство информира дека не се планирани исписи од странски медицински центри за викендов и во моментот надвор од државата се лекуваат 48 повредени од пожарот во Кочани.
„Состојбата на пациентите останува непромената, односно остануваат во критична состојба пациентите за кои и претходно информиравме, додека останатите пациенти се во стабилна состојба“, велат од таму.
Во болниците во Македонија во моментот се лекуваат 10 повредени, од кои четворица во Хируршката клиника „Св. Наум Охридски”, тројца на Клиниката за пластична хирургија, а двајца во приватната болница “Систина”.
Во ГОБ “8 Септември” во моментов на лекување е еден повреден, а вториот, кој беше вратен од Анкара, Турција, е прегледен и пуштен на домашно лекување.
Исто така, на Клиниката за пулмологија, во изминатото деноноќие е прегледан и пуштен на домашно лекување повреден кој е вратен од Марибор, Словенија.
Фото: МЗ