Од Министерството за внатрешни работи (МВР) информираа дека денеска (11.05.2025) во 07:10 часот, полициски службеници од ОВР Кичево го лишиле од слобода Е.А.(48) од селото Србјани, кичевско, поради сторено кривично дело „убиство“.
-Околу 07 часот во ПС Кичево од Итната медицинска помош Кичево, било пријавено дека кај нив се јавил Е.А. и кажал дека во семејната куќа во с. Србјани со секира ги нападнал неговите родители.
Со возило на Итна медицинска помош двете лица се пренесени во Медицинскиот центар Кичево, каде У.А.(74), татко на сторителот, им подлегнал на повредите, а Ф.А.(67), мајка на сторителот, е во неконтактибилна состојба.
Е.А. е лишен од слобода и по документирање на случајот, против него ќе биде поднесена кривична пријава, велат од МВР.
Фото: Unsplash